ЕК предлага европскиот фонд за одбрана да располага со 13 милијарди евра до 2027 година

Европската комисија денеска предложи европскиот одбранбен фонд да располага со буџет од 13 милијарди евра до 2027 година.

Средствата ќе бидат употребени за најсовремени технологии и опрема во области како криптиран софтвер и технологии за беспилотни летала. Новиот фодн обезбедува 4,1 милијарди евра за директно финансирање заеднички научни проекти. За расходи за прототипи и сертифицирање одбранбени технологии се предвидени 8,9 милијарди евра. Ќе бидат поддржани само заеднички проекти со најмалку тројца учесници од три држави од Европската унија.

Високиот претставник на ЕУ за надворешна и безбедносна политика Федерика Могерини предложи оспособување европски механизам за подрршка на мирот – вонбуџетрски 10,5 милијарди евра за зголемување на европските способности за спречување конфликти, поддршка на мирот и за меѓународната безбедност.

Европскиот механизам за поддршка на мирот се очекува да ги подобри резултатите од финансирањето за воени мисии и акции по заедничката политика за безбедност и одбрана.