Брестовац повика 19 ракометари за собир на кадетската репрезентација

Селекторот на машката кадетска репрезентација на Македонија (до 18 години), Данило Брестовац, го објави списокот од 19 ракометари на кои ќе смета за собирот за подготовки за настап на ЕХФ Шампионатот 2018.

Список на повикани ракометари: Виктор Василевски, Андреј Петковски, Дарко Кондев, Марко Божиновски, Игор Ѓорѓиев, Дејан Џигероски, Бобан Какоски, Мартин Карапалески, Мартин Серафимов, Васил Витанов, Ненад Костески, Ален Ќосевски, Кристијан Симоноски, Андреј Митиќ, Симон Гучевски, Михајло Младеновиќ, Васе Наков, Кристијан Анѓелковски, Бојан Солев.

Собирот ќе се одржи во спортската сала „Автокоманда“ во Скопје на 16 јуни со почеток од 10 часот.

Македонија најпрво ќе гостува во Унгарија каде ќе одигра две средби со домашната репрезентација и еден натпревар со Јужна Кореја, а потоа ќе настапи и на турнир во Романија каде ќе се сретне со Холандија, Италија и Романија.

По овие натпревари „црвено-жолтите“ ќе ги продолжат подготовките за ЕХФ шампионатот што во август ќе се игра во Тбилиси во Грузија.

- Зачестените подготовки и меѓународни турнири за оваа репрезентација, покрај тоа што се дел од подготовките за ЕХФ Шампионатот 2018 година, влегуваат и во неколку-годишниот проект за подготовка на младите ракометари за настап на кадетското Светско првенство што наредното лето ќе се игра во Скопје, информираат од РФМ.