Путин на отворањето на СП, повеќе од 20 светски лидери на церемонијата

Рускиот претседател Владимир Путин ќе присуствува на свеченото отворање на Светското фудбалско првенство денеска на стадионот „Лужники“ во Москва, по што ќе го следи натпреварот меѓу домаќините Русија и Саудиска Арабија (почеток 17 часот), соопшти „Кремљ“.

На свеченото отворање ќе присуствуваат повеќе од 20 светски лидери, меѓу кои и претседателите на Белорусија, Боливија, Казахстан, Молдавија, како и премиерите на Ерменија и Либан, Саудискиот принц, пренесува „Тасс“.

Фудбалскиот Мундијал за прв пат се одржува во Русија, а натпреварите ќе се играат од 14 јуни до 15 јули на 12 стадиони во 11 руски градови - Москва, Санкт Петербург, Казан, Нижни Новгород, Саранск, Калининград, Волгоград, Екатеринбург, Самара, Сочи и Ростов-на-Дон.

Светската фудбалска организација ФИФА соопшти дека продала 2,5 милиони билети ширум светот. Повеќе од 870.000 билети се купени од страна на Русите, Американците 90.000, а Бразилците над 72.000 билети.

Организација на Светското првенство Русија чини околу 12 милијарди долари.