СП 2018: Модриќ: Аргентина е под притисок, ќе извлечеме поени против нив

Хрватскиот репрезентативец, Лука Модриќ, изрази доверба дека тимот нема да изгуби од Аргентина во нивниот претстоен натпревар од Светскиот куп. Хрватите вчера ја победија лесно Нигерија со 2-0 и се во добра позиција да продолжат во следната фаза. - Натпреварот со Аргентина ќе биде тежок. Ги знаеме нивните силни страни, но победата над Нигерија ни даде самодоверба. Може да земеме поени во следниот натпревар. Аргентина е под притисок, не очекуваа да одиграат нерешено со Исланд, рече Модриќ, кој беше стрелец на вториот гол за „коцкастите“ од пенал.