Федерер ја продолжи победничката серија на трева

Светскиот рекет бр.1, Роџер Федерер го победи Алјаж Бедене со 2:0 во сетови (6:3, 6:4) во првиот круг на турнирот во Хале.

Швајцарецот запиша петта победа оваа година на трева, откако претходно го освои турнирот во Штутгарт.

На Федерер му требаше еден час и 13 минути за да победи, а во следниот круг ќе игра против Французинот Беноа Пер.

Првиот тенисер на светот одигра рутински натпревар, откако направи по еден брејк во двата сета, но не дозволи ниту еден на противникот.