Борат најави пародија за Доналд Трамп

Британскиот комичар Саша Барон Коен, попознат како Али Џи или Борат, вчера, на 4 јули, Денот на независноста на САД, го навести својот следен проект - пародија посветена на неговиот „стар соперник“ Доналд Трамп.

- Toj cе враќа каков што не сте го виделе претходно. Среќен 4-ти јули, сe вели во кусиот трејлер посветен на претседателот на САД и на „потребата Коен да се врати на училиште за да научи како да биде смешен“.

Иако Трамп (пред да стане претседател) има гостувано во Али Џи шоуто, тој и Коен имаат долг антагонистички меѓусебен однос, објави „Варајети“.