Вида: Сакаме да станеме светски шампиони

Дефанзивецот на Хрватска, Домагој Вида ја прокоментира со задоволство победата на пенали над Русија во четвртфиналето на Мундијалот 2018.

Дефанзивецот на Бешикташ постигна гол во продолженијата, а потоа беше прецизен и од белата точка.

- Многу се радувам што постигнав гол и Хрватска победи. Веќе сме во полуфиналето. Русија е добар тим и покажа убав фудбал. И двата тима се боревме со сите сили во текот на 120 минути. Со Англија ќе биде многу тешко, но сакаме да станеме светски шампиони, рече Вида по дуелот.