Ќе бидат исплатени заостанатите хонорари од студиото на Вајнстин

Компанијата „Лантерн капитал партнерс“, која го купува филмското студио на холивудскиот продуцент Харви Вајнстин откако тој банкротираше, соопшти дека прифаќа да ги исплати заостанатите хонорари, меѓу кои и на глумците како што се Роберт Дениро и Мерил Стрип.

Договорот е постигнат при купувањето на студиото „Вајнстин Ко“, вредно 289 милиони долари.

Следно, договорот треба да биде одобрен од судија, а рочиштето е закажано за во среда.

Де Ниро и Бредли Купер изјавија дека студиото на Вајнстин на секого поединечно, за филмот „Во добро и во зло“ му должи по 940.706 долари.