ФИФА богато ќе ги награди финалистите

Светската фудбалска асоцијација (ФИФА) обезбеди богати парични награди за финалистите на Мундијалот во Русија. За победникот се предвидени 38 милиони долари, десет помалку за поразениот.

Ова е мотив плус Хрватска и Франција да атакуваат на шампионскиот трофеј.

Третопласираната Белгија заработи 24 милиони, додека Англија која Мундијалот го заврши на 4.место ќе добие 22 милиони.

За репрезентациите од 5-8.место се издвоени по 16 милиони, од 9-16 по 12, а за оние кои не ја поминаа групната фаза ФИФА одвои по осум милиони долари.

Вкупниот паричен награден фонд за СП 2018 е 400 милиони американски долари или 42 милиони повеќе од Мундијалот во Бразил пред четири години.