Киселев во Вардар во следните две години

Рускиот репрезентативец, Димитри Киселев (23) во следниве две сезони ќе го носи дресот на Вардар, соопштија денеска од клубот. Киселев доаѓа од Санкт Петербург. Русинот потпишал договор до јуни 2020 година и е третиот нов ракометар во екипата, по Сташ Скубе и Сергеј Горбок. Претходно, четворица членови на првиот тим, Стоилов, Шишкарев, Поповски и Ѓорѓески ги продолжија договорите со „црвено-црните". Во Вардар, Киселев ќе игра на позиција десен бек каде ќе му биде колега на Данаил Криштопанс.