Хрватска одобри околу три милиони евра за проекти за Хрватите во БиХ

Хрватската Влада денеска донесе одлука за распределба на 24 милиони куни (околу 3,2 милиони евра) за финансирање различни културни, образовни, научни, здравствени и останати програми и проекти од интерес за хрватскиот народ во Босна и Херцеговина за 2018 година.

Државниот секретар на Централната државна канцеларија за Хрвати надвор од Република Хрватска, Звонко Милас истакна дека тоа е најголемиот износ што некогаш бил насочен за поддршка на Хрватите во БиХ.

- За 31 проект од областа на културата ќе бидат потрошени 5,4 милиони куни (околу 700 илјади евра), за 23 проекти од областа на образованието и науката 6 милиони куни (околу 800 илјади евра), за 16 проекти од областа на здравството 5,2 милиони куни (околу 700 илјади евра) и за 35 проекти во други области 7,3 милиони куни (околу еден милион евра), Рече Милас.