Се собира кабастиот отпад во oпштина Аеродром

Општина Аеродром деновиве спроведе еколошка акција за расчистување на кабастиот отпад кој граѓаните несоодветно го оставиле на јавна површина.

Акцијата, што изминатите неколку дена се реализираше на целата територија на општината се спроведе во соработка со јавното претпријатие „Комунална хигиена“.

Исто така, за да не се остава кабастиот отпад на недозволена јавна површина, постои можност ваква услуга граѓаните да добијат и во други денови со одреден надомест, за што подетални информации може да се добијат на дежурниот телефон 0800 222 33.