Јеремиќ: Со Косово се разговара за размена на територии и прекројување на граници

Лидерот на Народната странка (НС) Вук Јеремиќ, изјави денес дека опозицискиот Сојуз за Србија ќе биде формиран на почетокот од септември и дека првиот голем предизвик со кој ќе се соочи е Косово, бидејќи владејачката Српска напредна странка (СНС) се подготвува да потпише катастрофален договор со кој на Приштина ќе и се овозможи да стане членка на ОН .

"За да работата биде полоша, на преговарачката маса е размена на територијата, односно прекрјување на границите, според која Прешевската долина ќе припадне на самопрогласеното Косово , кое покрај останатото ќе стане и членка на ООН“ изјави Јеремиќ на телевизијата Н1.

„Непостои држава која е подготвена да ја промени својата граница во мир. Тоа е многу опасен преседан, бидејќи утре некој ќе побара некоја друга промена на границите - на пример во Санџак или кој знае каде ", рече Јеремиќ.

Говорејќи за највената коалиција на опозициони партии-Сојузот за Србија, тој посочи дека„ не станува збор за антиевропска конзервативна коалиција, како што некои сметаат“, и нагласи дека Народна странка не е против Европа, туку е за "градење на општество во Србија кое би изгледало онака како денес изгледаат модерните европски општества".

Одговарајќи на прашањето дали Сојузот за Србија е за зачленувањето во ЕУ, Јеремиќ рече дека тие се залагаат за изградба на институции и дека државата треба да ги достигне европските стандарди.

"Што се однесува до членството во ЕУ, после последните настапи на претседателот (Емануел) Макрон, тоа очигледно не е можно во наредните десет години. Зошто сега ние треба да се делиме на оние кои се за и против членството во ЕУ кога не е на маса", изјави Јеремиќ.

Тој најави дека првиот разговор на основачите на Сојузот за Србија со граѓаните ќе се одржи вечерва во Шабац и дека во текот на август опозицискиот блок ќе одржи трибини во повеќе градови во Србија.

Иницијатива на опозиционите партии „Сојузот за Србија“ веќе ја објави програмата за обединување, покрената од Драган Џилас, а засега неа ја подржаа Демократска партија (Зоран Лутовац), Народната партија (Вук Јеремиќ), Левица на Србија (Борко Стефановиќ), Здрава Србија (Милан Стаматовиќ), Заедно за Србија (Небојша Зеленовиќ), Синдикатот Слога (Жељко Веселиновиќ) ; ДВЕРИ (Бошко Обрадовиќ), а се очека да се приклучи и Демократската партија на Србија (Милош Јовановиќ).