Утревечер почнува Карпошовото културно лето
Претстојниот викенд на платото пред ТЦ Лептокарија ќе се одржи традиционалното Карпошово културно лето.
Градоначалникот на општина Карпош, Стефан Богоев, денеска ги повика сите граѓани да се придружат и да бидат дел од програмата наменета за сите граѓани.
- Оваа година ставаме фокус на македонските изведувачи, пејачи и артисти, а програмата ќе ја води нашиот познат актер и мултимедијален лик, Сашко Коцев. Имаме содржини и перформанси прилагодени за сите генерации, три вечери исполнети со поп и рок музика, диџеи, етно звуци и забава за најмладите, рече Богоев.
Утревечет на платото пред ТЦ Лептокарија ќе настапат деца учесници на детскиот фестивал Златно славејче, Дарио Панковски, групата НонСтоп и пејачката Кристина Арнаудова.
Во сабота граѓаните ќе ги забавуваат фамилијата на Петко 5+, ГуруХаре и пријателите ИгорЏамбазов, Дани, ТањаТас, Дамир Имери -на клавијатура и Трајче Велков на труба.
За недела е предвиден настап на фолклорното студио Етнос, Чалгија саунд систем, Златко Ориѓански и Бени Шаќири
