Американската тенисерка Серена Вилијамс и се заблагодари на публиката за поддршка по поразот во финалето на Ју-Ес опен од страна на 16 години помладата Јапонка Наоми Осака.

Вилијамс имаше шанса да дојде до 24-тата гренд слем титула, но нервозно играше во текот на целиот натпревар, загуби и контрола над емоциите, потоа го искрши рекетот и во два наврати се расправаше со судијата.

Американската тенисерка поради ваквото однесување беше казнета, а тоа предизвика незадоволство кај домашната публика.

- Тешко ми е, но сега не сакам да бидам строга кон себеси...За Осака ова е прва гренд слем титула. Знам дека и публиката се чувствува исто како и јас, но да пробаме да бидеме позитивни и да не протестираме, истакна 36-годишната американска тенисерка при доделувањето на пехарите.

Серена Вилијамс досега има освоено шест титули на Ју-Ес опен.



Автор: Администратор
Објавено на: 09/09/2018 13:11