Десетици ИОС апликации собираат кориснички податоци

Десетици ИОС (iOS) апликации собираат податоци за локацијата за корисниците и ги испраќаат до компании за монетизација. Собирањето на податоци се врши со користење на специјален код за следење, обезбеден за развивачите на апликации на овие компании. За проблемот соопштија експертите на компанијата „Гардијан“, која е производител на истоимениот заштитен ѕид за мобилни уреди. Според нив, собирањето на податоци се врши отворено - апликациите бараат од корисникот соодветна дозвола и многу од нив го прават тоа навистина оправдано. Меѓутоа, во многу случаи, фактот за пренесување на собраните податоци на трети страни за употреба за различни цели, кои не се поврзани со работата на апликацијата, се споменува накратко, или воопшто не е наведена. Повеќето апликации анализирани од специјалистите бараат пристап до ГПС координати, Блутут ЛЕ бикон, како и ССИД и БССИД ви-фи мрежите. Таквите информации може да се користат за прецизно одредување на локацијата на корисникот. Некои апликации исто така бараат пристап до податоците за брзина, статусот на батеријата, податоци за мрежата, рекламниот идентификатор ИДФА, акцелерометар и друго. Вкупно, специјалистите на „Гардијан“ најдоа 24 апликации со тракери од 12 компании. Покрај тоа, истражувачите именуваа стотици апликации со вграден код од компаниите за монетизација на „РевиелМобајл“. Истите податоци, што корисниците тајно ги пренесуваат на апликацијата AccuWeather на ИОС.