Србија европски шампион во баскет 3х3

Репрезентацијата на Србија го освои првото место на Европското првенство во баскет 3х3 кое се играше во романската престолнина Букурешт.

Србите синоќа во финалето ја победија Летонија со 19:18.

Трофејот на Србија и го донесоа Душан Булут, Марко Савиќ, Дејан Мајсторовиќ и Марко Ждеро.

Шампионскиот трофеј од ЕП беше единствениот на оваа репрезентација кој и недостасуваше во низата трофеи од големите натпреварувања.