Венус откажа, Серена неизвесна за турнирот во Вухан

Американската тенисерка Венус Вилијамс го откажа учеството на турнирот на тврда подлога во кинескиот град Вухан следната недела.

38-годишната Американка го освои трофејот на овој турнир во 2015 година.

- Разочарана сум што ќе го пропуштам ваков голем турнир. Во оваа фаза од кариерата, сепак треба да го слушам моето тело, а за жал понекогаш тоа значи да донесувам тешки решение како ова, изјави повозрасната од сестрите Вилијамс.

Се уште не се знае дали 21-та тенисерка во светот воопшто ќе учествува на некој од азиските турнири кои претстојат.

Истото важи и за нејзината сестра Серена, која ретко игра овој период од сезоната.