Квалком го обвини Епл за кражба на деловни тајни во корист на конкуренцијата

Квалком (Qualcomm) излезе со многу тешки обвиненија против Епл. Според правниците на Квалком, компанијата од Купертино користела пристап до доверливи информации за начините за оптимизирање на перформансите на чиповите и ја споделиле со нивни конкуренти, како Интел. Новото дело е дел од судската битка меѓу Квалком и Епл, која трае веќе некое време и која доведе до трајно влошување на односите меѓу компаниите. Конфликтот избувна околу неподготвеноста на Епл да плаќа лиценцни такси, кои според менаџментот во Купертино се екстремно високи. Новото дело е покренато во Сан Диего и според главниот адвокат на Квалком, Доналд Розенберг тоа е самостоен спор кој нема допирни точки со другите дела меѓу двете компании.