ОН: Околку 191.000 лица во Индонезија имаат потреба од хуманитарна помош

Околу 191 илјада лица во Индонезија имаат потреба од итна хуманитарна помош, соопшти денеска Службата на ОН за координирање на хуманитарните дејности по земјотресите и цунами брановите, кои го уништија источниот дел на островот Сулавеси.

Помош им е потребна на околу 46.000 деца и 14.000 повозрасни луѓе, најранливиот дел од населението кој живее далеку од градските средини и каде властите преземаат најмногу напори, се наведува во извештајот на ОН за ситуацијата по природната катастрофа.