Јункер: Без перспектива за членство во ЕУ постои ризик од војна на Западен Балкан

Постои ризик од војна на Западниот Балкан, доколку ЕУ направи да изчезнат надежите на земјите од регионот за членство во Унијата, оцени денеска претседателот на Европската комисија, Жан-Клод Јункер.

- Ако на Западниот Балкан му ја одземеме перспективата за членство (во ЕУ), во тој регион повторно ќе го видиме она што го гледавме во 90-те години на минатиот век, изјави Јункер во обраќање пред членовите на австрискиот Парламент во Виена.

Тој нагласи дека патот за евроинтеграција на западнобалканските земји е „се уште долг“ и недоволниот напредок не овозможува нивно зачленување во ЕУ пред 2025 година.

- ЕУ треба интензивно да се ангажира на Западниот Балкан и да не дозволи да се родат идеи дека таа не е сериозна во врска со преспективите за членство, додека некои земји не ги кријат своите резерви, порача Јункер, додавајќи дека во реонот на Западен Балкан се уште постои „податлива почва“ за воени судири.

Јункер истакна дека би сакал ЕУ на земјите од регионот да им понуди создавање „економски простор, во кој ќе можат да се развиваат на ист начин како кога еден ден ќе станат членки“ на Унијата.

Тој порача и дека земјите од регионот ќе мора да ги решат своите гранични спорови пред зачленувањето во ЕУ, со цел во Унијата да „не ја внесат нестабилноста што доаѓа од Западен Балкан“.