Лоренцо се откажа од трката во Тајланд

Возачот на Дукати, Хорхе Лоренцо, нема да настапи на трката за Големата награда на Тајланд, откако за време на вчерашниот тренинг имаше сериозен инцидент.

Лоренцо падна додека возеше на патеката, а потоа беше пренесен во болница, каде беше утвредено дека нема скршеници и дека поминал со нагмечувања и модринки.

Тој во Тајланд дојде недоволно заздравен, откако пред десетина дена на трката во Арагон исто така се повреди, a овојпат неговиот тим не сакаше да ризикува.

Според шпанскиот возач причина за неговиот пад е механички проблем на мотоциклот, но од тимот на Дукати сметаат дека инцидентот се случил поради грешка на Лоренцо.