Заедничка филмска програма на МСУ и „ДокуФест“ од Призрен

Со проекцијата на филмот „Се запрашавте ли кој пукаше?“ на Тревис Вилкерсон, вечер почнува заедничката филмска програма „Reality Has to Begin” на Музејот на современата уметност (МСУ) и Интернационалниот фестивал за документарни и кратки филмови „ДокуФест“ од Призрен, Косово.

Како што најавува МСУ кој е и домаќин на „Reality Has to Begin”, дводневната програма се фокусира на современиот креативен документарен филм, а куратори се Кумјана Новакова и Ветон Нурколари.

Освен „Се запрашавте ли кој пукаше?“, вечер, како видео инсталација ќе биде претставен и „Сонот господари со нејзината куќа“ (Sleep Has Her House) на Скот Барли.

„Reality Has to Begin“ ќе заврши утре, со проекцијата на „Викендичка“ (Ljetnikovac) на Дамир Чучиќ (Хрватска) во 12 часот, по што ќе се одржи и разговор со уметничкиот директор на „ДокуФест“ - Ветон Нурколари.

Филмската и видео програма на МСУ е посветена на промоцијата на современиот филм.