Путин во јанури доаѓа во Белград

Српскиот претседател Александар Вучиќ денеска разговараше со рускиот амбасадор во Белград Александар Чепурин, кој го пренесе предлогот на претседателот Владимир Путин да ја посети Србија во јануари.

„Вучиќ на средбата изјави дека е чест за Србија повторно да биде домаќин на претседателот Путин и дека Белград ќе ги покаже сите широчини на српското гостопримство“, информираше Службата на српскиот председател за соработка со медиумите.

„Со амбасадорот Чепурин договорено е веднаш да започнат подготовките за доаѓањето на рускиот претседател во Белград, така што посетата ќе го потврди традиционалното пријателство на двете земји и братството на двете нации. Најавено е дека наскоро ќе се одржи седница на Мешовитиот меѓувладин комитет за соработка, со цел да се подготват конкретните заеднички проекти во областа на економската соработка и во интерес на зголемување на трговската размена меѓу Србија и Русија и нивниот економски напредок“, се наведува во соопштението.