На стартот на НБА сезоната пријавени 108 странци од 42 земји

Триесетте клубови од НБА лигата во своите состави за почетокот на новата сезона пријавиле 108 странски играчи од 42 земји надвор од САД.

Најмногу од нив се Канаѓани - 11, по што следат Австралијци и Французи со девет. Во новата сезона има 65 кошаркари од Европа или еден повеќе од претходната.

Петта година година по ред, секој од тимовите во лигата ќе има барем по еден странец, а Далас Маверикс е рекоредер со седум странци, додека Јута Џез и Лос Анџелес Клиперс имаат по шест.

Редовната сезона започнува доцна ноќва по наше време со два натпревари. Голден Стејт Вориорс ќе ја започне одбраната на титулата против Оклахома Сити Тандер како домаќин, а малку пред тоа Бостон Селтикс ќе ги пречека Филаделфија 76.