Хјустон ја тестира Минесота со интересна понуда за Батлер

Тимот на Хјустон Рокетс е подготвен да даде четири избори од првиот круг на Драфтот, за да го привлече крилото на Минесота Тимбервулвс, Џими Батлер. Веста беше објавена од страна на„ЕСПН“.

Поради различните специфики во правилата за разменување играчи, избрани на Драфтот, се претпоставува дека предложените од Хјустон избори се за 2019, 2021, 2023 и 2025 година. Покрај тоа, за да стане зделката можна во однос на плати, „ракетите“ ќе треба да вклучат барем еден играч, претпоставувајќи дека тоа ќе биде некој меѓу Брендон Најт и Ерик Гордон.

Аналитичарите во САД, сепак, ја отфрлаат можноста тоа да е Гордон поради клучното негово значење за тимот на Хјустон, па најверојатно Најт ќе биде човекот кој ќе преземе кон Минесота, ако договорот стане реалност. Тоа, сепак, не може да се случи пред среда, кога ќе се навршат два месеца од привлекувањето на Најт и Маркис Крис од составот на Феникс Санс.

Дваесет и девет-годишниот Батлер, кој на крајот на сезоната ќе стане слободен агент (играчот има опција за сезоната 2019/2020 за сума од 19. 841.627 долари), има 24,8 поени, 5,3 скока, 2,5 асистенции и 3,8 одземени топки во просек на натпревар во четири дуели оваа сезона.