Почнува фестивалот „Театар во куфер“
Во Домот на млади во Штип вечер ќе почне првиот Меѓународен театарски фестивал „Театар во куфер“ кој, според организаторите, ќе биде поразличен од останaтите македонски фестивали зашто целта му е да го врати театарот на почетоците, кога се што му било потребно и доволно на актерот бил куферот со кој можел да одигра претстава секаде и пред секого.
Фестивалот ќе почне со претставата „Европејци“ на театарт „Драфт“ од Тузла, Босна и Херцеговина, а од утре и во наредните денови до 20 ноември ќе бидат изведени и: „Дисфункција“ на Младински интимен театар од Битола, поезија на театар „Убавите жени“ во изведба на актерот Страшко Милошевски, „Женска утопија“ на Театар чин 4 сцена 5 од Прилеп, „Петтиот чин “ на Струмичкиот театар и „Чекачот“ на Театар за гледање и слушање од Штип, како и симпозиум „Патувачки театар“.
-Штип е определен да биде почетник на културно живеење, како што на времето беше епицентар на културните збиднувања. Ќе доживее и стота изведба, а префиксот меѓународен во вистинска смисла на зборот ќе го оправда, рече Кацаров на прес-конференција.
Според Горан Трајков, директор на Дом на млади Штип, овој театарски фестивал ќе прерасне во традиција на оваа сцена, како што во 1925 таму била изведена првата опера.
