Под драконски безбедносни мерки во Атина ќе се одбележува годишнината од бунтот против хунтата

Во пресрет на утрешното одбележување на 45-годишнината од студентскиот бунт против хунтата, грчката полиција презема драконски безбедносни мерки во Атина.

Полицијата ќе ангажирани околу 5.000 свои припадници, хеликоптери и дронови, со цел да се спречи какви било инциденти.

Голем број од главните улици и булевари во центарот на Атина, кака и три метро станици, ќе бидат затворени за сообраќај.

Како што јави дописничката на МИА од Атина, годишнината од студентскиот бунт секоја година во Атина се одбележува со протестен марш од пред зградата на Политехничкиот факултет, кој важи за симбол на бунтот, бидејќи оттаму во 1973 година започна борбата против воената хунта. Учесниците на маршот, најчесто членови на левичарски организации, здруженија и партии, протестот го завршуваат пред Амбасадата на САД.

Во изминатите години собирите често завршуваа со сериозни инциденти и судири меѓу демонстрантите и полицијата.

Освен во Атина, протести и маршеви ќе се одржат и во други грчки градови.