Голем пожар над месноста „Полјаната" во Македонска Каменица

Околу 100 хектари горлив материјал изгоре во големиот пожар кој денеска избувна кај месноста ,,Полјаната” во Македонска Каменица.

Како што информираше Малин Трајчевски, раководител на подрачната Територијална противожарна единица, екипи на противпожарната единица се уште се на терен заради обезбедување на опожарениот терен.

– Во пожарот интервениравме со наша екипа на која во пресрет и излегоа вработените во јавното претпријатие „Камена Река" и шумско стопанство „Голак”. Според слободна проценка пожарот ,,голтна” површина со околу 100 хектари горлив материјал, изјави Трајчевски.

Како што истакна, поради обезбедување на теренот екипите на ТППЕ од Македонска Каменица се уште се на терен.

Истрагата на полицијата допрва ќе ги утврдува причините за пожарот.