Сони Плејстејшн Пет ќе користи процесор со осум јадра и ќе чини 500 долари

Дизајнерите и инженерите на Сони веќе работат на долгоочекуваната конзола Плејстејшн Пет. Уредот се уште е во почетна фаза на проектирање, но на интернет веќе се појави инфорамција дека Сони Плејстејшн Пет ќе има хардвер на „АМД“.

Според податоците, компанијата планира да го пропушти гејмерскиот саем Е3 2019 и наместо тоа ќе организира свој настан, во средината на следната година, на кој првпат ќе го презентира ПС Пет. Јапонскиот производител ќе започне со продажба на глобалниот пазар во март или ноември 2019 година.

Точен датум сè уште не е одреден, но Сони ПС Пет се очекува да чини околу 500 долари.

Сони ќе користат осумјадрен „АМД Рајзен“ процесор во новата конзола, кој ќе биде во можност да репродуцира содржина со четири К резолуција при брзина од 60 фрејмови во секунда. Инженерите на компанијата заедно со специјалистите на „AMД“ ќе создадат модифициран графички чип за конзолата.

Постои голема веројатност ПС Пет да е компатибилен и со игрите за сегашните верзии на Плејстејшн.