Марта Наумовска Грнарова: Мора да имаме стратегија каде сакаме да бидеме за 20 години

За да се поправи деловната сфера македонското стопанство мора да креира долгорочна стратегија каде сака да биде за дваесеттина години на пример. Ова е пораката на генералната директорка на „Завар“ Марта Наумовска Грнарова во емисијата „Во светот на бизнисот“ на Алфа.

- Ние мора да имаме стратегија како земја која индустрија ќе ја развиваме и каде сакаме да бидеме за 20 години на индустриски план, фали да планираме каде сакаме да се реализираме, мора да се реагира на моменталната ситуација, вели Грнарова.

Ќе мора и компаниите и државата да најдат начин како да се справат со моменталната лоша состојба, а тоа што фали, според неа, се информации од терен.

- Тоа што мора компаниите да направат за да преживеат, е да имаат стратегија и да бидат доволно иновативни и креативни за да го најдат своето место на глобално ниво. Ситуацијата со младите кадри е сериозна, тешка е и ќе биде се потешка. Во металната индустрија на пример е исклучително лошо, додава Грнарова.