Голден стејт ја прекина серијата од четири порази

Актуелниот НБА шампион, Голден Стејт Вориорс конечно успеа да победи по негативната серија од четири порази по ред.

„Жртва“ беше Портланд Трејлблезерс, кого го совладаа со 125:97. Предводник на тимот беше Кевин Дурант со 32 поени и осум скока и Клеј Томпсон со 31 кош.

Најпрецизен за Портланд беше Демијан Лилард со 23 поени и осум асистенции, додека Јусуф Нуркиќ постигна 22 поени и 8 скока.

„Воините“ со победата успеаја малку да се стабилизираат. Веќе пет натпревари се без својот најдобар играч Стеф Кари, а при поразот против Клиперс имаше конфликти меѓу Дурант и Дрејмонд Грин, што очигледно имаше влијание врз резултатите на тимот.

Лос Анџелес Лејкерс пак продолжува со добрите игри, откако вчеравечер ја совлада Јута дома со 90:83, во меч со мал број поени.

Брендон Инграм успеа да биде поефикасен од Леброн Џејмс, откако даде 24 поени, додека „кралот“ постигна два помалку, но во комбинација со 10 скокови и седум асистенции.

Резултати од НБА: Голден Стејт – Портланд 125:97 Детроит – Хјустон 116:111 по продолжение Атланта – Бостон 96:114 Њујорк – Њу Орлеанс 114:109 Торонто – Вашингтон 125:107 Филаделфија – Кливленд 112:121 Индијана – Сан Антонио 100:111 Оклахома – Шарлот 109:104 Чикаго – Мајами 96:103 Милвоки – Феникс 114:116 Денвер – Орландо 112:97 Л.А. Лејкерс – Јута 90:83.