Помалку превезена стока во патниот и железничкиот собраќај, зголемен карго превозот

Количеството превезена стока во товарниот патен превоз во третиот квартал во однос на вториот квартал годинава е намалено за 16,1 отсто, во железничкиот транспорт има намалување за 9,1 отсто, а во воздухопловниот превоз зголемување за 67,9 отсто, објави денеска Државниот завод за статистика.

Во споредба со третото тримесечје од 2017 година, количеството на превезена стока во товарниот патен превоз е зголемено за 2,2 отсто, во воздухопловниот за 68,5 проценти, а во железничкиот за 20,9 проценти.

Во третото тримесечје од 2018 година, во однос на истото тримесечје од 2017 година, во патниот патнички превоз бројот на превезените патници е зголемен за 3,8 проценти, во градско-приградскиот превоз е намален за 0, 6 проценти, во железничкиот превоз за 1,6 проценти, а зголемување од 14,1 оттсо има кај патниците во воздухопловниот превоз.

Споредено со второто тримесечје од годинава, во третото тромесечие оваа година бројот на превезените патници во патничкиот превоз е зголемен за 0,3 проценти, во градско-приградскиот превоз е намален за 20,5 проценти, во железничкиот превоз за 16,2 процента, додека во воздухопловниот превоз е зголемен за 31,7 проценти.