Бизнисмените ќе дадат свои предлози за измените на Законот за инспекциски надзор
Претставници на микро, мали и средни претпријатија денеска во Скопје ќе ги дадат своите предлози и сугестии за измените на новиот Закон за инспекциски надзор.
Инфо сесијата посветена на овој закон ја организира Проектот на УСАИД Партнерство за подобра бизнис регулатива, а целта е да се вклучат овие претпријатија во креирањето на новиот Закон за инспекциски надзор.
Од Сојузот на стопански комори на Македонија најавуваат дека на настанот ќе присуствува министерот за информатичко општество и администрација Дамјан Манчевски и претседателката на Комората Данела Арсовска.
