Факултетот за музичка уметност – Скопје одбележува 52 години од основањето

Во Македонската филхармонија денеска Факултетот за музичка уметност одбележува 52 години од основањето со целовечерен концерт на својот најголем ансамбл, Симфонискиот оркестар сочинет од студентите на додипломски и последипломски студии.

За овој период на ФМУ дипломирале, магистрирале и докторирале над 3.000 студенти, меѓу кои видни композитори, научници, интерпретатори, педагози, новинари и балетски уметници кои работат во државава и надвор од неа, постигнувајќи забележителни успеси во своите области.