Завршен концерт на Градското аматерско културно уметничко друштво „Браќа Ѓиноски“

Градското аматерско културно уметничко друштво „Браќа Ѓиноски“ вчера во Гостивар го одржа завршниот годишен концерт. На сцената во Центарот за култура АСНОМ оркестарот и членовите на сите возрасни групи од фолкорната секција изведоа повеќе сплетови од ора и традционални песни.

Настапи имаа членовите на друштвото солистите пеачи Перо Пандилоски и Славко Зафировски.

ГАКУД „Браќа Ѓиноски” е најстарото културно уметничко друштво во Гостивар. Почетоците датираат уште од пред втората светска војна(1936) кога група млади гостиварски ентузијасти под името „Шијачки” се здружиле за да ги зачуваат традиционалните вредности и негуваат градските навики. Првиот официјален настап на друштвото е во 1950-та година, а се одржал во старата гостиварска Соколана.