Општина Центар издаде четири решенија за отстранување урбана опрема
Секторот за инспекции на општина Центар издаде нови четири решенија на правни лица за отстранување на метални застаклени и незастаклени настрешници и доградби на објекти.
– Со издавањето на овие решенија, општината остава во законски предвидениот рок правните лица сами да ја отстранат диво поставената опрема, во спротивно по истекувањето на рокот, општината ќе ги отстрани – информираат од општина Центар.
Градоначалникот на општината, Саша Богдановиќ, упатува апел до правните лица кои поставуваат урбана опрема на јавна површина, да ја соберат потребната документација, да се придржуваат до правилата за поставување на урбана опрема и да ги почитуваат одредбите пропишани во Законот за градење.
