Холандија ја освои бронзата на ЕП за ракометарки

Репрезентацијата на Холандија го освои третото место и бронзениот медал на Европското првенство што се одржува во Франција.

Во претпоследниот дуел на шампионатот, Холанѓанките попладнево ја победија Романија со 24:20. Победникот беше решен уште по првото полувреме кое Холандија го доби со 15:8.

За „лалињата“ ова е прв медал на едно континентално натпреварување.

Во борбата за шампионскиот трофеј од 17 часот и 30 минути се среќаваат домаќинот Франција и Русија.