Заврши младинскиот меѓународен турнир во Скопје, Македонија втора

Денес се одиграа последните натпревари од младинскиот меѓународен ракометен турнир, кој се одржа во Скопје во организација на Ракоментната Федерација на Македонија.

Победник на турнирот е селекцијата на Унгарија откако ја совлада А селекцијата на Македонија со 20:19 (13:8).

Б македонска селекција пак забележа победа со 22:21 (10:9) во дуелот против врсниците од Полска, кои на крајот завршија како трето рангирани, а нашата Б селекција на петтото место.

Репрезентацијата на Србија со победата над Црна Гора со 26:21 (11:10), го освоија четвртото место на турнирот, а Црногорците останаа последни.

По завршување на последниот натпревар се одржа кратка церемонија на која беа доделени пехари за најуспешните селекции од страна на директорот на сениорската Македонска репрезентација Милчо Чакаревски и ген. Секретар на Ракометната Федерација на Македонија Филип Милошевски.

Резултати од последното коло:

09:30 часот – Србија – Црна Гора 26:21 (11:10) 11:00 часот – Полска – Македонија Б 21:22 (10:9) 12:30 часот – Унгарија – Македонија А 20:19 (13:8).