Филмот „Аквамен“ со заработка од 822 милиони долари на светско ниво

Суперхеројската акција „Аквамен“ снимен по истоимениот стрип на Ди-си Комикс, досега оствари заработка од 822 милиони долари на светско ниво. Со тоа, филмот ја надмина и „Жената чудо“ од минатата година, која досега заработи 821 милион долари.

„Аквамен“ надвор од САД заработи 560 милиони долари, од кои 260 милиони само во Кина. Филмот се прикажува и во Македонија.

Режисер на филмот е Џејмс Ван, сценариото е на Дејвид Џонсон-Мекголдрик и Вил Бил, а во главните улоги се појавуваат Џејсон Момоа, Ембер Хард, Вилем Дефо, Никол Кидман, Долф Лунгрен и други.