Град Скопје му додели македонска резба на Кристијан Ниневски

По повод одбележувањето на големиот христијански празник Водици (Богојавление), претседателката на Советот на Град Скопје, Љубица Јанчева, присуствуваше на положувањето на светиот Крст во водите на реката Вардар, од Архиепископот Охридски и Македонски г.г. Стефан, кое се одржа на мостот Слобода.

Точно на пладне, околу сто и педесет учесници скокнаа по светиот Крст во осветените води на реката Вардар. Меѓу нив, најбрз и најсреќен беше Кристијан Нинески. Архиепископот Охридски и Македонски г. г. Стефан, претседателката на Советот на Град Скопје, Љубица Јанчева и преостанатите присутни, му честитаа на Кристијан Нинески за подвигот, и пожелувајќи му понатамошен успех во реализирањето на сопствените замисли, му подарија и пригодни подароци.

Дваесет и пет годишниот Нинески по шести пат учествува на оваа традиционална манифестација, а крстот го фаќа за првпат.

Јанчева, од името на Град Скопје, на Кристијан му подари македонска резба во орев – афионово гранче.