Паркингот во Клиничкиот центар од денеска поскап за 100 проценти поради загаденоста на воздухот

Во текот на денешниот ден на социјалната мрежа фејсбук се појави фотографија од новиот ценовник на паркиралиштето во Клиничкиот центар "Мајка Тереза".

Новите цени се за 100 проценти повисоки од досегашните, а образложението за ваквиот потег произлегува од одлуката на советот на Град Скопје, да сите паркинзи кои се под нивна надлежност бидат двојно поскапи.

Дел од граѓаните го оправдуваат овој потег сметајки дека на овој начин ќе се придонесе за намалувањето на енормната загаденост, додека пак дел од останатите велат дека ниту еден човек не оди во болница поради тоа што сака, туку поради тоа што мора.

Има и "сеирџии", кои ги прокоментираа печатните грешки во соопштението кое е објавено на една од рампите за влез во Клиничкиот центар.