Вест Хем „олесни“ за 100.000 фунти поради своите навивачи

Вест Хем ќе плати парична казна од сто илјади фунти за влегувањето на навивачите на теренот за време на натпреварот во Премиер лигата против Барнли минатата сезона.

Фанови на „чеканите“ влегоа на фудбалскиот терен неколку пати на „Лондон“ стадионот на мечот од 10 март, освоен од Вест Хем со 3:0.

Фановите предизвикаа инцидент со капитенот на тимот од Лондон, Марк Нобл, а исто така изразија незадоволство од сопствениците на клубовите Дејвид Голд и Дејвид Саливен.

– Клубот нема потреба од вакви случки и ќе ги преземе неопходните мерки, изјави Вест Хем по одлуката на Фудбалската асоцијација за паричната казна.

Клубот веќе забрани на некои од своите фанови да присуствуваат на натпреварите на тимот по овој инцидент.