Алијанса за Албанците, Касами и Алтернатива одат со заеднички надпартиски кандидат за претседател?

Алијанса за Албанците и Беса се во постојани преговори со Алтернатива, за заеднички, надпартиски кандидат за претседател на државата, дознава Макпрес од извори во партијата предводена од Зијадин Села. Опцијата за евентуално предомислување и менување на правецот на линија со ДУИ, односно СДСМ, велат е невозможна.

-Преговараме со сите албански политички субјекти, освен со ДУИ, СДСМ и ВМРО ДПМНЕ, вели нашиот извор.

Според истиот извор, за два-три дена ќе се знае дали одат само со Беса или ќе настапат сите три здружени сили, заедно со Алтернатива- неодамна преименуваното ткиво на Беса под палката на Африм Гаши.

- Веќе следната недела мора да се почне да се собираат потписи , па до викендов ќе знаеме на што сме, додава нашиот извор.

Средбата Касами – Заев не верува дека ќе донесе поинаква ситуација, од оваа која во моментот се случува на релација Села- Касами. Вака гледано СДСМ го има партнерот ДУИ како сигурен играч, но имајќи го предвид слабиот рејтинг на Ахмети, власта сериозно треба да бара поинаква опција за евентуален солиден изборен резултат.