Заев: Германската "Герештајмер" доаѓа заради влезот во НАТО

Рекорден пораст на странски инвестиции, но нема да застанеме тука, вети денеска премиерот Зоран Заев на промоцијата на новата инвестиција, германската компанија "Герештајмер ". Според него предвидено е вработување на 400 нови лица, технолози и електроинженери.

- Сите крупни политички инвестиции беа за обезбедување на економски инвестиции и повисоки плати. Создаваме шанси за сите граѓани за подобар живот и се заблагодари на германските инвестиции вели Заев.

Вицепремиерот пак Анѓушев рече оти се надева дека ова е е најава за многуте нови инвестиции што ќе следат.

- Германската компанија има 50 фабрики во 13 држави и ова е нивната прва фабрика во Југоисточна Европа, во конкуренција со Србија и Романија. Им покажавме и докажавме дека сме најатрактивната локација, а пред се благодарение на влезот во НАТО, рече Анѓушев.

Инаку фабриката "Герештајмер" продуцира медицински материјал односно опрема, на пример инсулински пенкала.

- До крајот на 2020 најавено е да да почнат со работа. Имаме ли 400 луѓе за да вработиме? Ги таргетиравме, полесно ќе најдеме 400 квалификувани за оваа инвестиција отколку 6000 за во текстилната индустрија. Имаме мерки за преквалификација и доквалификација на кадрите,порача Анѓушев.