Директорот на кинеската агенција за енергетика обвинет за корупција

Директорот на кинеската Национална администрација за енергетика, Нур Бекри е исфрлен од владејачката Комунистичка партија и сменет од функцијата.

Дисциплинската комисија на Кина соопшти дека Бекри ја искористил својата службена положба за да им обезбеди работно место и деловни можности на други лица во замена за голема сума пари и недвижнини.

Бекри ја предводи Националната администрација за енергетика од 2014 година, а ја вршел и функцијата заменик претседавач во Кабинетот за економско планирање.

Комисијата соопшти дека случајот на Бекри им е предаден на обвинителите.

Бекри е еден од илјадниците официјални претставници кои се нашле на удар откако кинескиот претседател Си Џинпинг ја започна пред повеќе години борбата против корупција.