ИХФ ги прогласи Хансен и Неагу за најдобри за 2018 година

Светската ракометна федерација (ИХФ) ги прогласи Микел Хансен (Данска) и Кристина Неагу (Романија) за најдобри за 2018 година.

Данецот по третпат ја заслужи наградата откако имаше одлична година со својот клуб и репрезентација. Со ПСЖ тој стигна до бронза на „Фајнал фор“ во ЛШ, а ја освои и титулата во Франција.

Романската ракометарка пак по четврти пат беше избрана за најдобра во светот. Со ЧСМ Букурешт освои две титули во Романија, во Купот и првенството, додека со националниот тим играше во полуфиналето на ЕП во Франција.