Во сите штипски основни и средни училишта вчера и денеска се поставија садови за електрична и електронска опрема. Опремата е поставена согласно потпишаниот Меморандум за соработка меѓу колективниот постапувач за електрична и електронска опрема и отпадни мали преносни батерии „Елколект“ ДОО Скопје и градоначалникот на Општина Штип Благој Бочварски.
Во секое училиште ќе бидат организирани едукативни настани и собирање на електрична и електронска опрема. Опремата ќе биде предадена на фирмата „Елколект“ ДОО Скопје, со цел поздрава животна средина во нашата општина, рече Трајче Стојчевски, вработен во кабинетот на градоначалникот на Општина Штип.