Четири бисти за првоборци од НОБ поставени во Паркот на Револуцијата

Нови четири бисти за првоборци од НОБ се поставени во Паркот на Револуцијата во Кавадарци, алеја на борците.

-Станува збор за четири целосно нови бронзени бисти од кои две на народните херои Киро Крстев и Блажо Тодоровски-Чичето, а две на првоборците Лазо Мицев-Рале и Данчо Поп-Атанасов. Бистите се дело на академскиот вајар Кирил Мукаетов од Кавадарци, соопштија од Службата за информирање при локалната самоуправа.

Со овој проект, додаваат оттаму, општината заокружи една фаза од оформувањето на Паркот на револуцијата, особено во делот на алејата на борците од НОБ, каде се поставени бистите на поголем дел од најзначајните првоборци од Кавадарци и Тиквешијата.

Бистите што претходно беа поставени на повеќе локации во градот, честопати беа мета на крадци и вандали кои ги крадеа и уништуваа.