Отворено пријавувањето за првиот детски зоо-маратон

Во ботаничката градина во Зоолошка градина – Скопје на 9 мај ќе се одржи првиот детски зоо-маратон. Пријавувањето почнува денеска, а ќе трае до 5 мај. Потребно е да се испратат податоци за учесниците – име и презиме и датум на раѓање на е-меил: zoolskaskopje@gmail.com

Бројот на учесници е ограничен, а дел од трката ќе бидат оние кои ќе се пријават први до пополнување на бројката во секоја категорија.

Ќе се одржат четири трки – две на 150 метри (машка и женска категорија, 7-8 години) и две на 100 метри ( машка и женска категорија, 5-6 години). За сите дечиња се обезбедени подароци, а првите три места од секоја категорија ќе добијат посебни награди и медали.

Маратонот ќе се одржи по повод Денот на Европа – 9 Мај, во организација на Агенцијата за млади и спорт, Атлетската федерација на Македонија и Град Скопје.